,,ერთიანი ნაციონალური მოძრაობის“ წევრი, განათლების ყოფილი მინისტრი დიმიტრი შაშკინი ჟურნალისტებთან კომენტარს აკეთებს შინაგან საქმეთა ყოფილი მინისტრის, ყოფილი პრემიერ-მინისტრის, ვანო მერაბიშვილის ჩართულობასთან დაკავშირებით მიმდინარე პოლიტიკურ პროცესებში:
,,ვანო მერაბიშვილმა არაერთხელ განაცხადა, რომ მას არ აინტერესებს არანაირი თანამდებობები საქართველოში. ის, როგორც რიგითი წევრი, მხარს უჭერს ,,ერთიან ნაციონალურ მოძრაობას“.
ჩვენ ყველა ვართ ერთად, ვანო მერაბიშვილი არის ,,ერთიანი ნაციონალური მორაობის“ ერთ-ერთი დამფუძნებელი. თუმცა, კიდევ ერთხელ ვიმეორებ, ახლა არის ჩართული, როგორც ყველა ჩვენგანი, – რიგითი სტატუსით.
ნებისმიერმა პარტიის წევრმა რომ შეაქოს ლევან ხაბეიშვილი, ეს ნიშნავს, რომ ის ფარულად მართავს?!
ვანო მერაბიშვილი 2020-შიც იყო ჩართული, როგორც რიგითი წევრი, ასევე, როგორც მე ვიყავი ჩართული.
– 20 თებერვალს აქციაზე ვნახავთ ვანო მერაბიშვილს? [ჟურნალისტის შეკითხვა]
როგორც გადაწყვიტავს ვანო მერაბიშვილი, ისე იქნება. ყველა ადამიანი არის თავისუფალი“, – განაცხადა დიმიტრი შაშკინმა.
ავტორი
ნინი ხიჯაკაძე
