თერჯოლის მუნიციპალიტეტის სოფელ კვახჭირის მცხოვრებლებმა აქცია გამართეს. ადგილობრივები სოფელში წყლის სისტემის გაუმართაობას აპროტესტებენ. მათი თქმით, სოფელს ერთი თვეა წყალი საერთოდ არ მიეწოდება:
“ვითხოვთ სასიცოცხლო პირობებს, მოგვეცით წყალი.მივმართავთ ხელისუფლებას მოგვაქციონ ყურადღება. ხარჯი გაწიეს, მილები ჩაყარეს, თუმცა წყალიერთი თვეა არ გვაქვს. გვეუბნებიან ვარკვევთ, დაზიანებაა, ვაკეთებთ, მაგრამ როდემდე?! სოფელს პატრონი სჭირდება“, – აცხადებს ადგილობრივი მცხოვრები თამარ ხეცურიანი.
წყალმომარაგების ქსელში არსებულ პრობლემას სოფლის მაჟორიტარი დეპუტატი ადასტურებს. მისი თქმით, ქსელი დაზიანდა და შეკეთება მიმდინარეობს. ხოლო, როდის აღდგება წყალმომარაგება არ იცის.
“წყლის მარაგი 1025 ოჯახისთვის არასაკმარისია, რის გამოც ქსელი ხშირად ზიანდება. ჩვენ ვმუშაობთ, რათა პრობლემა მალე მოგვარდეს“,-აცხადებს სოფლის მაჟორიტარი დეპუტატო მირზა აფრიდონიძე.
ლიკა დევდარიანი
სააგენტო “პარალელის”
რეგიონალური კორესპონდენტი
