საქართველოს მე-3 პრეზიდენტის, მიხეილ სააკაშვილის საახალწლო მილოცვა:
“მეხუთე წელია ახალ წელს ვხვდები გისოსებს მიღმა, სადაც ვიმყოფები ერთადერთი დანაშაულისთვის, რომ ვცადე ქართველი ხალხის დახმარება.
ახალ წელს ვულოცავ ყველა კოლეგა პოლიტპატიმარს. დარწმუნებული ვარ, რომ ძალიან მალე ციხის კარები გაიღება და ჩვენ დავუბრუნდებით ჩვენს ოჯახებს და თანამებრძოლებს.
მინდა მივულოცო გმირული უწყვეტი პროტესტის მონაწილეებს. საქართველოს მართავს ჯგუფი რომელსაც არანაირი ავტორიტეტი არ აქვს და როცა ხელისუფლებას ავტორიტეტი არ აქვს, ის არის ტირანია, მაგრამ როცა ტირანია ვერ გაშინებთ, ის დასრულებულია. სწორედ თქვენი პროტესტი დაასრულებს 2026 წელს ამ კრიმინალურ ტირანიას.
ახალ წელს ვულოცავ ამ გვერდის მილიონობით ფოლოუერს – გთხოვთ პესიმისტური მესიჯები აღარ დამიდოთ.
ახალ წელს ვულოცავ საქართველოს ყველა პატრიოტს ქვეყნის შიგნით და გარეთ. დაე ეს წელი გამხდარიყო საქართველოს გათავისუფლების და განვითარების გზაზე დაბრუნების, თითოეული თქვენი ოჯახის კეთილდღეობის და წარმატების წელიწადი.
ამ წელს ვულოცავ ჩემს თანამოქალაქე უკრაინელებს, უკრაინის გმირ ჯარისკაცებს!
ვულოცავ ყველა ჩვენს უცხოელ მეგობარს, ვისაც არ ვავიწყდებით და იბრძვის თქვენთვის, Happy New Year!
ყველაფერი იქნება ძალიან მაგრად!” – აცხადებს მიხეილ სააკაშვილი.
