“მონაწილეობა მივიღოთ სოლიდარობის აქტში და რამდენიმე წუთით ჩავატაროთ თეთრხალათოსანთა “სოლიდარობის კონსილიუმი”, ერთი მოწოდებით – “თავისუფლება და სოლიდარობა ექიმ გიორგი ჩახუნაშვილს!” – ვილი პაჭკორია

ქართველი ექიმი, “საქართველოს კლინიკების ასოციაციის” დამფუძნებელი და პრეზიდენტი ვილი პაჭკორია, სოციალურ ქსელში გამოქვეყნებული პოსტით, საქართველოში მოქმედ ყველა სამედიცინო დაწესებულებას და ბატონი გოგის კოლეგებს მოუწოდებს 22 ივნისს რამდენიმე წუთიანი სოლიდარობის გამოხატვისკენ:

“საქართველოს კლინიკების ასოციაცია გამოხატავს აღშფოთებას ღვაწლმოსილი პედიატრის, აკადემიკოს გიორგი ჩახუნაშვილის დაკავებასთან დაკავშირებით, ვთვლით, რომ იგი, მისი პროფესიული საქმიანობის და მოვალეობის შესრულების გამო, არის უდანაშაულოდ დაპატიმრებული.

კლინიკების ასოციაცია საქართველოში მოქმედ ყველა სამედიცინო დაწესებულებას და ბატონი გოგის კოლეგებს (მითუმეტეს, იმ კლინიკებს და ამბულატორიულ ცენტრებს, სადაც ბატონი გოგი მოღვაწეობდა და თუნდაც ერთი პაციენტი მაინც ყავს კონსულტირებული), მოგიწოდებთ მიმდინარე წლის 22 ივნისს, ორშაბათს 11 საათზე მონაწილეობა მივიღოთ სოლიდარობის აქტში და რამდენიმე წუთით ჩავატაროთ თეთრხალათოსანთა “სოლიდარობის კონსილიუმი”, ერთი მოწოდებით – “თავისუფლება და სოლიდარობა ექიმ გიორგი ჩახუნაშვილს!” – წერს ვილი პაჭკორია.