“ოპოზიციის ალიანსის” ერთ-ერთი ლიდერი, “სტრატეგია აღმაშენებლის” თავმჯდომარე, გიორგი ვაშაძე ემოციური შეფასებებით ეხმაურება გიორგი (გოგა) ჩახუნაშვილისთვის 5-წლიანი პატიმრობის მისჯას:
“ჩემი სოლიდარობა ბატონ გოგა ჩახუნაშვილს და მასთან ერთად უკანონოდ დაკავებულ თითოეულ პატრიოტს!
ბატონი გოგა ნამდვილად საამაყო ექიმი, პროფესორი და დამსახურებული პედიატრია.
ადამიანს, რომელმაც მთელი ცხოვრება ბავშვების მკურნალობასა და ქვეყნის სიყვარულს მიუძღვნა, სისტემა აბსურდული ბრალდებით სჯის.
ეს არის ნათელი მაგალითი იმისა, თუ როგორ ებრძვის ეს რეჟიმი ქვეყნის საუკეთესო, ყველაზე ღირსეულ მოქალაქეებს!
უსამართლობამ ვერ უნდა გაიმარჯვოს!” – აცხადებს გიორგი ვაშაძე.
