საქართველოს მე-3 პრეზიდენტი, მიხეილ სააკაშვილი სასამართლოზე მიმართვის დროს განცხადებას აკეთებს რუსი ოპოზიციონერი პოლიტიკოსის, ალექსეი ნავალნის იამალის ნახევარკუნძულზე მდებარე კოლონიაში გარდაცვალების ფაქტთან დაკავშირებით:
“მოკლეს ალექსეი ნავალნი… მასთან მე მქონდა მიმოწერა, ბოდიში მოიხადა 2008 წელს საქართველოსთვის წაყენებული პოზიციების გამო. მნიშვნელოვანი იყო, მე ძალიან დავუფასე. თავისი ციხის კამერიდან ის გამოხატავდა სოლიდარობას.
მე მომწამლეს რამდენიმე დღის შემდეგ, უკრაინაში შეჭრის დაწყებიდან. სპეციალურად მომწამლეს მაშინ, რომ მსოფლიოს ვერც შეემჩნია, ისე გავმქრალიყავი. ღმერთმა გადამარჩინა სიკვდილს. ღმერთის და თქვენ იმედზე ვარ – ქართველი ხალხის და საერთაშორისო თანამეგობრობის!
სწორედ ნავალნიმ გამოხატა მისი სოლიდარობა თავისი ციხის კამერიდან ჩემ მიმართ, მაგრამ მანამდე მოკლეს პოლიტოვსკაია, რომელსაც ძალიან კარგად ვიცნობდი; ნემცოვი, რომელთანაც ბევრი უთანხმოება მქონდა, მაგრამ ძალიან ვმეგობრობდი და ახლა ნავალნი.
პუტინმა, ასევე, საჯაროდ გამოთქვა სურვილი, მე ჩამოვეკიდებინე ერთი ადგილით. პუტინი თავიდანვე დაიმუქრა, რომ მე მოვხდებოდი ციხეში; თავიდანვე დაიმუქრა, რომ მე აუცილებლად გამანადგურებდა ფიზიკურად.
როდესაც ნავალნიზე საუბრობდა პუტინი, ამბობდა – ,,ეს არის რუსული სააკაშვილიო“, ნავალნის გვარს არ ახსენებდა და მისთვის N1 მტრები ჩვენ ვიყავით, სანამ ზელენსკი გაჩნდებოდა… ის ამბობდა, რომ სწორედ მიხეილ სააკაშვილი და ნავალნი, გამოხატავდა ამას ყველანაირად, იყვნენ მისი N1 მტრები.
ერთი N1 მტერი მან მოიშორა, მეორე მის ხელშია. იმიტომ, რომ ყველაფერი, რაც ეხება საქართველოს პენიტენციურ სისტემას, თავიდან ბოლომდე კონტროლდება, მათ შორის, რუსული სპეც.სამსახურების მიერ. ეს ჩვენ ძალიან კარგად ვიცით.
მე ვაპირებ, მტრის ჯინაზე ვიბრძოლო სიცოცხლისთვის! მე აუცილებლად ვიბრძოლებ თქვენთვის, ჩემთვის სიცოცხლე არაფერს წარმოადგენს! მე ჩემი თავისუფლება, სიცოცხლე დავაგდე ქართველი ერის ფეხებთან და ვუთხრი ,,აჰა, თქვენ შეგიძლიათ ეს აიღოთ, გამოიყენოთ როგორც ინსტრუმენტი თქვენი მდგომარეობის გასაუმჯობესებლად, ამოსასუნთქად, ჩვენი სიამაყის, იმედის დასაბრუნებლად და ეს აუცილებლად ასეც განხორციელდება.
ყველაფერი გამოგვივა, მაგრად იყავით!“, – განაცხადა მიხეილ სააკაშვილმა.
ავტორი
ნინი ხიჯაკაძე
