,,ერთიანი ნაციონალური მოძრაობის“ თავმჯდომარე ლევან ხაბეიშვილი კომენტარს აკეთებს საქართველოს კულტურული მემკვიდრეობის ძეგლების სარეაბილიტაციო პროცესთან დაკავშირებით. ოპოზიციონერი ლიდერი მოუწოდებს კულტურის სფეროში მომუშავე ადამიანებს, რომ მოხდეს დროული აღდგენითი სამუშაოების ჩატარება:
,,ყველამ კარგად ვიცით გელათში განვითარებული მოვლენები. ის, რომ ჯალა-თეა ფაქტობრივად ანგრევს/ანადგურებს გელათს. ჩვენი შეთავაზებაც ძალაშია! მზად ვართ პროფესიონალები ჩამოვიყვანოთ, ვუზრუნველყოთ ფინანსურად და დავეხმაროთ ჩვენს კულტურულ მემკვიდრეობას, ჩვენს ისტორიას, რაც დარჩენილია გელათისგან, ის მაინც არ განადგურდეს.
ახლა ვიმყოფებით ჯვრის მონასტერში, რომელიც ასევე ბიძინა ივანიშვილის, წულუკიანის ხელში, ფაქტობრივად, ინგრევა. ჯვრის მონასტერში ცვივა ქვები, ჩამოდის წყალი, არის ვანდალიზმის ფაქტები და რუსული წარწერებია გაჩენილი. უკიდურესად მძიმე მდგომარეობა და რეალობაა!
მოვუწოდებ ყველა იმ ადამიანს, ვისაც ეს ეხება. პირველ რიგში – ეს ეხება ჩემდა სამწუხაროდ, ჯალა-თეას, რომელიც არის მინისტრი, რომელსაც გაჩერებული აქვს ის ფინანსები, რომელმაც უნდა უზრუნველყოს ჯვრის მონასტრის რეაბილიტაცია. ის, რომ ქვები არ ცვიოდეს და ლოდები არ ეცემოდეს ჯვრის მონასტერში ადამიანებს; ის, რომ ჩვენი მე-6 საუკუნის კულტური მემკვიდრეობა, არ ნადგურდებოდეს“, – განაცხადა ლევან ხაბეიშვილმა.
ავტორი
ნინი ხიჯაკაძე
