მიხეილ სააკაშვილთან დაკავშირებით სპეციალური პენიტენციური სამსახურის მიერ გამოქვეყნებული ვიდეოკადრები არაერთგვაროვანი შეფასების საგანი გახდა და ამ ფაქტს მწვავედ ეხმაურება “ქრონიკა პლიუსის” დამფუძნებელი და მთავარი რედაქტორი, ელისო კილაძე:
“ქართული ოცნება” ვინ გირჩიათ სააკაშვილის კადრების გამოქვეყნება?!
თქვენნაირი მაზოხისტი გგონიათ ერი, რომ ადამიანის ტანჯვით დავტკბეთ?!
თქვენი “კარმუშკის” ათიოდე აქტივისტის გარდა არავინ ღლიცინებს, ხალხი შეძრწუნებულია თქვენი სადისტობით!
გგონიათ მიშას დასცინეთ?
არა – მხოლოდ საკუთარ სახელმწიფოს, რომელიც მესამე პრეზიდენტს ასე ექცევა!
რატი ბრეგაძე, ნეტა იმას თუ ხვდები, ისტორიის ამ ფურცელზე შენი სახელი როგორ შემორჩება?!
ცხოვრება ბუმერანგია, მეგობრებო‼️” – წერს ფეისბუქის პირად გვერდზე ელისო კილაძე.
