“იგი თავისი ცხოვრებითა და ღვაწლით ჭეშმარიტი მაგალითია ქრისტეს რწმენის ერთგულებისა და სათნოებებისა” – საქართველოს საპატრიარქო დაბადების დღეს ულოცავს კათოლიკოს-პატრიარქს, ილია მეორეს

საქართველოს საპატრიარქო დაბადების დღეს ულოცავს სრულიად საქართველოს კათოლიკოს-პატრიარქს, ილია მეორეს:

“მის უწმინდესობასა და უნეტარესობას დიდი სიყვარულითა და პატივისცემით ვულოცავთ დაბადებიდან 93-ე წელს.

იგი თავისი ცხოვრებითა და ღვაწლით ჭეშმარიტი მაგალითია ქრისტეს რწმენის ერთგულებისა და სათნოებებისა.

მადლიერნი ვართ ღვთისა, რომ ჩვენი ქვეყნისა და ეკლესიისათვის მნიშვნელოვან ჟამს ასეთი გამორჩეული, მადლმოსილი და ძლიერი მწყემსმთავარი გვარგუნა.

ინებოს უფალმა, რომ მის უწმინდესობასა და უნეტარესობას კიდევ დიდხანს ეწინამძღვროს საქართველოს მართლმადიდებელი ეკლესიისათვის ქრისტეს ჭეშმარიტებისა და ქართველი ერის სულიერად განმტკიცებისკენ სავალ გზაზე“, – ნათქვამია გავრცელებულ მისალოც განცხადებაში.