“საქართველოს გარეშე შექმნეს კაცობრიობის ისტორიაში უმაგალითო მშვიდობის, დაცულობის და კეთილდღეობის სივრცე” – გია ჯაფარიძე

ყოფილი დიპლომატი, ანალიტიკოსი, პოლიტიკის ექსპერტი გია ჯაფარიძე 2026 წლის კონკრეტულ გეოპოლიტიკურ მოლოდინებზე მიანიშნებს:

“2026 წლის იანვრიდან:

საქართველოზე ტერიტორიით და მოსახლეობით ბევრად პატარა კვიპროსის რესპუბლიკა შემდეგი ექვსი თვით ხდება ევროპული საბჭოს როტაციული პრეზიდენტი. უკვე მეორედ უწევს პრეზიდენტობა, პირველად რომ გახდა, მაშინ კვიპროსზე ვმსახურობდი;

ბულგარეთი გახდა ევროზონის ქვეყანა. უკვე 21 ევროპულ ქვეყანას აქვს ერთი ვალუტა;

უკრაინა და მოლდოვა შეურთდა ევროპის კავშირის როუმინგის სივრცეს, უკრაინელები და მოლდოველები აღარ გადაიხდიან როუმინგის ფასს.

ევროპის გაერთიანების მატარებელი მეორე მსოფლიო ომის მერე საქართველოს გარეშე დაიძრა. საქართველოს გარეშე შექმნეს კაცობრიობის ისტორიაში უმაგალითო მშვიდობის, დაცულობის და კეთილდღეობის სივრცე. ევროპის კავშირი ჩვენი მონაწილეობის გარეშე შეიქმნა.

ჩვენ ჯერ ვერ ჩავებით, ზემოიმერული ნაკელით გაჯერებულ რუსულ ბოსტანში ვრჩებით, სიცრუით გაბრუებული, ხიბლსა და თვითტკბობაში“, – წერს გია ჯაფარიძე სოციალურ ქსელში.