16 დეკემბერს ფიცის დასადებად ემზადება სალომე ზურაბიშვილი, შესაბამისად მოქმედი პრეზიდენტ გიორგი მარგველაშვილს, უფლებამოსილების ვადის შეწყვეტამდე 2 დღე დარჩა. აღსანიშნავია, რომ მარგველაშვილის საპრეზიდენტო ვადის ამოწურვასთან ერთად იწურება მისი მრჩევლების უფლებამოსილების ვადაც. აღნიშნულთან დაკავშირებით სოციალურ ქსელში გამოსათხოვარ პოსტს აქვეყნებს საქართველოს პრეზიდენტის მრჩეველი, საგარეო ურთიერთობათა მდივანი თენგიზ ფხალაძე:
“ა.წ. 16 დეკემბერს პრეზიდენტ გიორგი მარგველაშვილის ვადის დასრულებასთან ერთად იწურება ჩემი უფლებამოსილებაც. მოხარული ვარ, რომ მქონდა შესაძლებლობა აქტიურად ვყოფილიყავი ჩართული სამშობლოს სამსახურში.
მუშაობისას სამი რამაა მთავარი: იდეა, რომელსაც ემსახურები, თავისუფალი აზროვნების შესაძლებლობა და გუნდი, რომელიც ჩანაფიქრის რეალიზების საშუალებას გაძლევს. ეს ყოველივე ნამდვილად მქონდა ამ წლების განმავლობაში.
მადლობა ბატონ პრეზიდენტს ნდობისა და ამ შესაძლებობისათვის.
მადლობა ადმინისტრაციის თანამშრომლებს – პროფესიონალთა არაჩვეულებრივ გუნდს, რომელთა გარეშზეც ვერეფერს მივაღწევდი.
მადლობა ჩემს მეგობრებსა და კოლეგებს თანადგომისა და მხარდაჭერისათვის.
სწორედ ამ ერთიანობამ და თანამშრომლობამ არაერთი მნიშვნელოვანი წარმატება მოუტანა ჩვენს სამშობლოს.
მართლაც დიდი კომფორტი და პატივი იყო თქვენთან მუშაობა!
ყველას გისურვებთ წარმატებებს!” – წერს ფეისბუქის პირად გვერდზე თენგის ფხალაძე.
