“ივანიშვილის პარტიის მთავარი მიზანი არის, თვითონ ისინი გამდიდრდნენ და მოქალაქეებზე არ იზრუნონ” – გიორგი ბოტკოველი

,,ერთიანი ნაციონალური მოძრაობის” რეგიონული მდივანი, გიორგი ბოტკოველი მწვავე კომენტარს აკეთებს ქვეყანაში არსებული ხელისუფლების პრიორიტეტებთან დაკავშირებით:

,,უჩა მამაცაშვილიც, ღარიბაშვილიც, კობახიძეც – ყველა ეს ადამიანი, დღეს ერთადერთი რამისთვის არის ხელისუფლებაში მოსული და ზოგადად, ივანიშვილის პარტიის მთავარი მიზანი არის, თვითონ ისინი გამდიდრდნენ და არ იზრუნონ მოქალაქეებზე, რომლებიც დღეს უკიდურესად არიან გაჭირვებულები. არ იზრუნონ იმაზე, რომ ფასებს ცეცხლი უკიდია დღეს მაღაზიებში და ადამიანებს არ აქვთ იმის საშუალება, რომ ელემენტარული საკვები შეიძინონ იმისთვის, რომ რამენაირად არჩინონ ოჯახები.

ამიტომ ეს კლანი, რომელიც დღეს ბოგინებს ხელისუფლებაში, სწორედ ამ კლანის დამარცხების შემდეგ, რეალურად, ქვეყანას მიეცემა განვითარების საშუალება“, – განაცხადა გიორგი ბოტკოველმა.

ავტორი
ნინი ხიჯაკაძე