ფილოლოგი ლევან ბერძენიშვილი, ,,მთავარი არხის” ეთერში, ქვეყანაში არსებულ ვითარების შეფასებას ახდენს, კერძოდ ხელისუფლებისა და მოსახლეობის დამოკიდებულების თვალსაზრისით, საქართველოს ევროპაში ინტეგრაციის პროცესთან მიმართებაში:
,,ხალხი ამბობს, რომ მე მინდა ევროპაში, ხოლო მთავრობა ამბობს, რომ მე არ მჭირდება ევროპა. აქ ხალხის გადასაწყვეტია სჭირდება თუ არა მას ეს მთავრობა!
მთავრობა იმ წუთას უნდა გადამდგარიყო, როცა დაინახა, რომ ხალხის წინააღმდეგ მიდის, მაგრამ ჩვენზე არ ფიქრობს. ის ფიქრობს თავის თავზე და ამბობს – ,,თუ მე არ ვიქნები, თუ ბიძინა არ იქნება, თუ ბიძინა მილიარდელი არ იქნება, მაშინ ჩვენ ასეთი არც ევროპა გვინდა, არც აზია, არც არაფერი”…
მათ უნდათ, მოკლან მიხეილ სააკაშვილი. მთელი მსოფლიო, ევროპარლამენტის ყველა ფრაქცია ერთად ეუბნება – ,,არ ქნაო”, ესენი ამბობენ – ,,ეგეთი ევროპა ჩვენ არ გვინდა”.
თუ ამ მოძრაობის, ამ პარტიის მომხრეებს, მათ ამომრჩევლებს თუ გულწრფელად უნდათ ევროპაში – რა პასუხი აქვთ იმაზე, რომ ვიღაც კახა კალაძე ამბობს – ,,მე არ მინდაო”.
მთავრობა ამბობს, ,,კონსტიტუციაში რომ მიწერია, ასეთი კონსტიტუცია არ მინდა” – ასე ლაპარაკობენ, პირდაპირ ამ ენით.
ამ შემთხვევაში, ამ ხალხთანაა კითხვა – კიდევ აპირებთ ამათ არჩევას?!”, – განაცხადა ლევან ბერძენიშვილმა.
ავტორი
ნინი ხიჯაკაძე
