სახალხო დამცველის კანდიდატებთან დაკავშირებით კონსულტაციები გრძელდება. მოხდა შეთანხმება მხოლოდ ერთ ნაწილში და დეპუტატებს არჩევნის გაკეთება უკვე 8 კანდიდატიდან მოუწევთ, თუმცა დიდია მაინც აზრთასხვადასხვაობა. აღნიშნულ საკითხზე პოლიტიკურ შეფასებას აკეთებს საპარლამენტო უმრავლესობის წევრი ირაკლი ზარქუა:
,,კვალიფიციური უმრავლესობით უნდა მოხდეს შეერჩევა. ვნახოთ, კონსულტაციები მიმდინარეობს. მათ შორის, ,,ნაციონალური მოძრაობაც“ არის ამ კონსულტაციებში ჩართული, გარდა ,,ტროიკიდან“, ერთი რომ ჰყავთ ამომავალი ვარსკვლავი – ჭიჭე ვაშაძე, მაინც ცალკე იქაჩება. იმიტომ, რომ ცალკე სამყარო აქვს ასეთ ადამიანს და იმ ,,ტროიკას“.
ვნახოთ, კეზერას და რუსული ფული სანამდე ეყოფათ და გაქაჩავენ“, – განაცხადა ირაკლი ზარქუამ.
ინფორმაციისთვის: გუშინ ფრაქცია “ქართული ოცნების” თავმჯდომარემ, მამუკა მდინარაძემ პარტიის ოფისში გამართულ ბრიფინგზე დაასახელა სახალხო დამცველის 8 კანდიდატი:
1 – ანა აბაშიძე; 2 – გიორგი ბურჯანაძე; 3 – ლელა გაფრინდაშვილი 4 – თინათინ ერქვანია; 5 – ნუგზარ კოხრეიძე; 6 – გიორგი მარიამიძე; 7 – ქეთევან ჩაჩავა; 8 – იაგო ხვიჩია.
