უცხოელი და ქართველი ექსპერტების მიერ მომზადებულ კვლევაში საუბარია საქართველოს მე-3 პრეზიდენტის ორგანიზმში მძიმე მეტალების არსებობაზე, ასევე აღმოჩენილია ვერცხლისწყალიც. აღნიშნულ საკითხზე, არის თუ არა მოწამლული მიხეილ სააკაშვილი, სამედიცინო თვალსაზრისით კომენტარს აკეთებს ექიმი-ტოქსიკოლოგი, პროფესორი ეკა ქურდაძე:
,,ძალიან ბევრი გზაა იმისთვის, რომ მოხვდეს [ვერცხლისწყალი], თუნდაც ელემენტარული ფორმაც და არაორგანული უფრო მეტად არის ხოლმე ჩვენს ორგანიზმში. შეიძლება მოხვდეს როგორც კოსმეტიკური საშუალებიდან, ასევე საკვები პროდუქტიდან, მათ შორის ზღვის პროდუქტებიდან.
მოწამვლის შემთხვევაში კანისმიერი რეაქციები შეიძლება გაჩნდეს. ძალიან ჰგავს ალერგიულ ფორმას. ნეიროტოქსიკურობა და ნეფროტოქსიკურობა ახასიათებს, ანუ ნერვულ სისტემასა და თირკმელზე მოქმედებს.
ნერვული სისტემის უშუალო დამაზიანებელი ფაქტორი შეიძლება გაჩნდეს სხვადასხვა კუთხით. შეიძლება იყოს ადინამიით გამოხატული და შესაძლებელია მძიმე ფორმებით“, – განაცხადა ეკა ქურდაძემ.
ავტორი
ნინი ხიჯაკაძე
