სახელმწიფო უსაფრთხოების სამსახურის ყოფილი უფროსის, ამჟამად პატიმრობაში მყოფი სოსო გოგაშვილის მეუღლე, თეა მარტყოფლიშვილი ჟურნალისტებთან კომენტარს აკეთებს, სადაც საუბრობს მათ სახლში გოგაშვილის დაპატიმრების სპეცოპერაციის კონკრეტულ დეტალებზე:
,,შალვა ბედოიძეს მე ძალიან კარგად ვიცნობ, მაგის ამოცნობა ნამდვილად არ გამიჭირდებოდა. ნიღაბი ეკეთა, შეიძლება ცხვირი, ტუჩი დამალო, მაგრამ თვალებს ვერასდროს ვერ დამალავ.
იმ სპეცოპერაციის დროს მე ხმამაღლა ვუყვიროდი, რომ თვალებს ხომ ვერ დამალავთ-თქო, თქვენ თვალებით ამოგიცნობთ-თქო.
ძალადობას ახორციელებდა როგორც ღამბაშიძე, ისე ბედოიძეც, დვალიშვილი და პაპუნაც.
ტელეფონზე ესაუბრებოდნენ, ალბათ, ვახტანგ გომელაურს. ის ხომ დაბალი პოზიციის თანამშრომელს არ დაურეკავდა?! ხომ არ მოახსენებდა, თუ როგორი წარმატებული სპეცოპერაცია ჩაატარეს?!
კონკრეტული ჩხრეკის განჩინებით როცა შემოდიან, აუცილებლად იქ უნდა იყოს მარტო გამომძიებელი და პოლიციელი, არა თუ სპეცრაზმი და მაღალი თანამდებობის პირები. რა საჭიროებას მოითხოვდა ამათი იქ ყოფნა?! თუ არადა მათ თავისუფლად შეუძლიათ ანძებიდან ამონაწერები ამოიღონ და დამიმტკიცონ, რომ ისინი იქ არ იმყოფებოდნენ“, – განაცხადა თეა მარტყოფლიშვილმა.
ავტორი
ნინი ხიჯაკაძე
