ანალიტიკოსი ნიკოლოზ მეტრეველი რიყის დოქებთან დაკავშირებით მიხეილ სააკაშვილის პოზიციას კატეგორიულად ეწინააღმდეგება და კონკრეტულ განმარტება-მინიშნებებს აკეთებს:
“რადგან მიხეილ სააკაშვილი ციხეში არ ისვენებს და კვლავ ცდილობს მისთვის ჩვეულ უსინდისო სტილში „რიყის დოქების“ პროექტის დაცვას.
გავიმეორებ პირადად მარკირებული დეზერტირი სააკაშვილის გასაგონადაც, რომ ამ ობიექტმა წლების განმავლობაში ვერ შეიძინა რეალური ფუნქცია და ქალაქისთვის პრაქტიკული დატვირთვა.
უფრო მეტიც, საზოგადოებაში წლების განმავლობაში არსებობდა მოსაზრება, რომ პროექტი, მათ შორის, სოფო ნიჟარაძესთან სააკაშვილის პირად ურთიერთობასაც უკავშირდებოდა. ეს თემა არაერთხელ გამხდარა საჯარო განხილვის საგანი.
ცხადია, სააკაშვილის პირადი ცხოვრება, როგორც სხვა ნებისმიერი ადამიანის არ მაინტერესებს, მაგრამ ჩემთვის მთავარი სხვა რამ არის, პროექტი, რომელშიც ათეულობით მილიონი ლარი დაიხარჯა, ვერ იქცა თბილისის სიცოცხლისუნარიან ადგილად და იქცა მხოლოდ ერთი პრეზიდენტად წოდებული პირის პერვერტულ ახირებად.
სწორედ ამიტომ მისი დემონტაჟი სრულიად გონივრულ გადაწყვეტილებად მიმაჩნია და იმედი მაქვს, ამ ადგილას შეიქმნება სივრცე, რომელიც რეალურად მოემსახურება ქალაქის ინტერესებს“, – წერს ფეისბუქის პირად გვერდზე ნიკოლოზ მეტრეველი.
