“გვიჭირს ამ კუთხით და ეს სამწუხარო პრობლემა უნდა ვაღიაროთ, როგორც მინიმუმ, რომ მერე მოვაგვაროთ” – ზაალ ანჯაფარიძე

ტრადიციული ქართული სულიერი და ზნეობრივი ღირებულებების მნიშვნელობაზე საუბრობს ანალიტიკოსი ზაალ ანჯაფარიძე:

“იქითა ბანაკის“ წარმომადგენლები, ვისთანაც ჯერ კიდევ მაქვს კონტაქტი, ხშირად ამბობენ, რომ საქართველოს ეროვნული უსაფრთხოების, თავდაცვის და ა.შ. განახლებული კონცეფციები არა აქვს და ამას ლამის კატასტროფად წარმოაჩენენ.

ისე როგორც მათთან კამათს არ აქვს აზრი, ისევე აზრი არა აქვს მორიგი დოკუმენტების დახვავებას, რომელთა გადაწერაც შეიძლება მოგიწიოს ძალიან მალე, იმდენად ტურბულენტურად და დინამიურად იცვლება სიტუაცია.

14 წელია ქვეყანაში ასე თუ ისე მშვიდობა და სტაბილურობა შევინარჩუნეთ, ყოველგვარი „კონცეფციების“ გარეშე. თუმცა, თუ ასეთი კონცეფცია მაინც შეიქმნება ოდესმე, მე მასში აუცილებლად ჩავწერდი „ტრადიციული ქართული სულიერი და ზნეობრივი ღირებულებების, კულტურისა და ისტორიული მეხსიერების დაცვა“.

გვიჭირს ამ კუთხით და ეს სამწუხარო პრობლემა უნდა ვაღიაროთ, როგორც მინიმუმ, რომ მერე მოვაგვაროთ“, – წერს სოციალურ ქსელში ზაალ ანჯაფარიძე.