საქართველოს მე-3 პრეზიდენტი, მიხეილ სააკაშვილი ყოფილ მთავარ პროკურორ, ოთარ ფარცხალაძესთან დაკავშირებით, კონკრეტულ ფაქტებზე მიანიშნებს.
“მთავარი პროკურორი, რომლის შეთითხნილი ბრალდებებით დამაპატიმრეს, ქილერად გამოაცხადეს. როგორც ჩანს, ქილერის გარდა, ვერავინ უსრულებდა ივანიშვილს ამ სურვილს.
ჩემს მიერ საქართველოდან ამოძირკვული ФСБ-ს კონტროლირებული კრიმინალური სამყარო ივანიშვილმა მთლიანად დააბრუნა. აბა სხვას რას უნდა მოელოდე ოთარ კვანტრიშვილის, რუსეთის “იმერეთის მაფიის” ფულით გამდიდრებულისგან.
სხვათა შორის, FBI-მ 2007 წლის ნოემბრის აქციების წინ გაგვაფრთხილა, რომ ამ აქციების უკან იდგნენ უსოიანი და სხვა ქართველი ქურდები და სწორედ “7 ნოემბრის” საქმეზე შემითითხნა ფარცხალაძემ ერთ-ერთი ბრალი.
მე კი გაფრთხილებით თავის დროზე 90-იანებში დაგვაბრუნებენ მეთქი.
მე ვიცი ერთი კაცი ვისაც შეუძლია ამ უბედურებიდან ქვეყნის გამოყვანა, მაგრამ ის დატყვევებულია და ახლა ამ სტატუსს წერს“, – აცხადებს მიხეილ სააკაშვილი.
ინფორმაციისთვის: შს სამინისტროში გამართულ ბრიფინგზე აღინიშნა, რომ “ლევან ჯანგველაძის განზრახ მკვლელობას, როგორც შექმნილი დანაშაულებრივი ჯგუფის უპირობო ლიდერი – ოთარ რომანოვ ფარცხალაძე ხელმძღვანელობდა“.
