“ყველას მიადგებიან, თუ ერთხელ და სამუდამოდ არ დავასრულებთ რუსულ ხელისუფლებას ამ ქვეყანაში” – ლაშა დიაროვი

,,სტრატეგია აღმაშენებლის” ახალგაზრდული ორგანიზაციის ლიდერი, ლაშა დიაროვი თბილისის საქალაქო სასამართლოში გამოკითხვაზე დაიბარეს.

პროცესის დაარულების შემდეგ კი ლაშა დიაროვმა ჟურნალისტებთან კომენტარი გააკეთა:

,,ეს საქმე თავიდან ბოლომდე არის პოლიტიკური. ხელისუფლება, სამწუხაროდ, თავის რეპრესიულ მანქანას საკუთარი მოსახლეობის წინააღმდეგ იყენებს. ამაში ჩართეს, როგორც შსს, ასევე, თავისი სასამართლოც. ახლა ცდილობენ, როგორმე დაგვაშინონ. პირდაპირ საქმე იქამდე მიჰყავთ, რომ ან დაგაბრალონ რაიმეს პიკეტირების, ან გადაკეტვის და ჩახერგვის ორგანიზება. ამას ცდილობენ.

მელიასავით გივლიან – ხან გვერდიდან, ხან მარჯვნიდან, ხან მარცხნიდან. როგორღაც უნდათ, რომ გამოგტყუონ, გათქმევინონ, რომ შენ დააორგანიზე პარლამენტის ჩარაზვა, გზების გადაკეტვა ან რაღაც ეგეთი, რომ სისხლის სამართლოს საქმე კიდევ ერთხელ აღგიძრან და ციხეში ჩაგსვან. სამწუხაროდ, ამაზეა გადასული ჩვენი ხელისუფლება.

ეს არის წმინდად რუსული მეთოდი. მე მიკვირს აქამდე რომ არ იყენებდნენ. ეს ნაცადია – ბელარუსშიც, რუსეთშიც ასე აკეთებენ. თუ ჩვენ ამის უფლება მივცემთ, გააგრძელებენ ამას უსასრულოდ და აუცილებლად ყველას დაიჭირენ. იმათაც მიადგებიან, ვინც აქციებზე არ იყო, თუ არ გამოვა ეს ხალხი, არ გაიღვიძებს, თუ ერთხელ და სამუდამოდ არ დავასრულებთ რუსულ ხელისუფლებას ამ ქვეყანაში”, – განაცხადა ლაშა დიაროვმა.

ავტორი
ნინი ხიჯაკაძე