ხუთშაბათი, ივნისი 20, 2024

“ჰოდა ჩვენი შვილები გაუდგენ გზას და განვითარებულ, უზრუნველყოფილ და უსაფრთხო ევროპულ ქვეყანაში იცხოვრებენ” – ლელა ჯეჯელავა

“ეთნიკურ და კონფესიურ ურთიერთობათა ცენტრის” ხელმძღვანელი, ანალიტიკოსი ლელა ჯეჯელავა ახალგაზრდების აქტივობებზე, მიზანსა და შემართებაზე საუბრობს:

ტელევიზიით ვუყურებ აბუტურიენტთა მსვლელობას. ბევრნი არ არიან, მაგრამ დიდად შეწუხებულები არ ჩანან ამით. ჟურნალისტი ეკითხება, – რა არის მათი პროტესტის მიზეზი. ასაკისათვის უჩვეულოდ გაცნობიერებული პასუხები აქვთ. ჯერი ერთ პატარა ბიჭზე მიდგა. განმარტებისათვის ერთი წინადადება თქვა და მიაყოლა: ” ჩვენ გვინდა ევროპა და მივიღებთ“… ისეთი სიმტკიცე, ისეთი ძალა და რწმენა იგრძნობოდა ამ პატარა ბიჭის ხმაში, რომ მე უკვე წარმოვიდგინე, როგორ ცხოვრობს ეს ბიჭი ერთ პატარა, მაგრამ ძლიერ, უსაფრთხო და კეთილდღეობით სავსე ევროპულ ქვეყანაში.❤️

ეს განსხვავებაა მათსა და უფროს თაობებში. ჩვენ მიზნის გზაზე წინაღობებს ვქმნით, რომ არა ჩვენი წარმოსახვა, ეს წინაღობები უბრალოდ შეიძლება არც არსებობდეს. ჩვენ ვიგონებთ წინაღობებს და მერე მათ დაძლევაში ვხარჯავთ ენერგიას. ესენი ხედავენ მიზანს და აი, ზუსტად ისე, როგორც ზღაპარშია, გაუდგებიან გზას და ამ გზაზე რაც ხვდებათ, მათთვის საშუალება ხდება და არა წინაღობა.

ჰოდა ჩვენი შვილები გაუდგენ გზას და ცოტას ივლიან თუ ბევრს, ერთ განვითარებულ, უზრუნველყოფილ და უსაფრთხო ევროპულ ქვეყანაში იცხოვრებენ. უნდათ ევროპაში და მიიღებენ!❤️” – წერს ფეისბუქის პირად გვერდზე ლელა ჯეჯელავა.

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული