“ყველა ხელისუფლება, რომელიც კადრულობს იმას, რომ საკუთარი ქვეყნის მოქალაქეებს უსაფრდება, თავს ესხმის და ცემს, არის ნაძირლების და გარეწრების ხელისუფლება” – დავით ზურაბიშვილი

ქვეყანაში გახშირებული ძალადობის ფაქტებს მწვავე, მძიმე შეფასებებით ეხმაურება პოლიტიკის ექსპერტი დავით ზურაბიშვილი:

“უკლებლივ ყველა ხელისუფლება, რომელიც კადრულობს იმას, რომ საკუთარი ქვეყნის მოქალაქეებს უსაფრდება, თავს ესხმის და ცემს, არის ნაძირლების და გარეწრების ხელისუფლება, რა მაღალი იდეალებით თუ პრაგმატული საჭიროებით არ უნდა ცდილობდეს ვინმე ამის გამართლებას, და თუ ვინმე მაინც ცდილობს, ისიც ნაძირალა და გარეწარია.

ხოლო ვინც ამ დროს იმის შედარებას იწყებს, ადრე უფრო მაგრად ცემდა წინა ხელისუფლება თუ ეს უფრო ცემს, ადრე უფრო ცუდ ტიპებს ცემდნენ და ესენი კარგს ტიპებს ცემენ ან პირიქით და ა. შ. და ა. შ. და ამ შედარებების ფონზე ძველი თუ ახალი ძალადობის შემამსუბუქებელ გარემოებებს ეძებს, ის ზემოაღნიშნულ ნაძირლებზე და გარეწრებზე არაფრით უკეთესი არაა. უბრალოდ, ცოტა უტყდება ასეთი რომ არის და წარსულის გახსენებით თავს ინუგეშებს.

შევღონდი ამ შედარება-დატოლებებით რა! რატომაა ასე რთული გასაგები, რომ მძღნერის ჭამა ორგანიზმისთვის არასდროს არაა სასარგებლო? არასდროს და არავისგან!” – წერს ფეისბუქის პირად გვერდზე დავით ზურაბიშვილი.