“როგორც ჩანს, რუსქოცობა ქართველების დასაშოშმინებლად და მოსათაფლად ახალ მზაკვრობას ამზადებს” – ზურაბ ბატიაშვილი

რონდელის ფონდის მკვლევარი, აღმოსავლეთმცოდნე, ისტორიის მეცნიერებათა დოქტორი, ზურაბ ბატიაშვილი რუსეთისა და საქართველოს ხელისუფლების კონკრეტული გეგმების შესახებ საუბრობს, რასთან დაკავშირებითაც სერიოზულ საფრთხეებზე აკეთებს აქცენტს:

“როგორც ჩანს, რუსქოცობა ქართველების დასაშოშმინებლად და მოსათაფლად ახალ მზაკვრობას ამზადებს (და ამაზე მინიშნებებს ქოცები უკვე აკეთებენ).

კერძოდ, საქართველოს მიერ დასავლეთთან ინტეგრაციაზე უარის თქმის “საკომპენსაციოდ” გვთავაზობენ ქვეყნის “გაერთიანების” მოსკოვისეულ გეგმას.

ამ გეგმის მიხედვით უნდა შეიქმნას ერთგვარი კონფედერაცია თბილისის, ცხინვალისა და სოხუმის მონაწილეობით, სადაც აფხაზეთსა და ცხინვალის რეგიონს უფლება ექნებათ ვეტო დაადონ ქვეყნის საგარეო პოლიტიკურ გადაწყვეტილებებს (რუსებმა თავის დროზე ე.წ. მინსკის შეთანხმებებით იგივე გაუკეთეს უკრაინას “დეენერისა” და “ელენერის” ხელით), იმ მიზნით, რომ აღარასოდეს გამოგვივიდეს ნატოსა და ევროკავშირში გაწევრიანება.

ყველაფერ ამას ლამაზი სიტყვებითა და დაპირებებით შეფუთავენ. რეალურად კი ეს იქნება აღდგენილ საბჭოთა კავშირში საქართველოს შეთრევის გეგმა.
მე მჯერა, რომ როგორც ერი გავიზარდეთ. ამგვარ სატყუარებზე არ უნდა წამოვეგოთ!” – წერს ფეისბუქის პირად გვერდზე ზურაბ ბატიაშვილი.