“სტრატეგიული ანალიზის ცენტრის” (GISAC) დამფუძნებელმა, ნოდარ ხარშილაძემ, “პალიტრანიუსზე” მერაბ მეტრეველის გადაცემაში “პოლიტიკური სივრცე”, 2024 წლის არჩევნებში “ქართული ოცნებისა” და ოპოზიციის შანსებზე ისაუბრა:
“ჩემი აზრით, ირაკლი კობახიძემ ძალიან კარგად იცის რომელ უბანზე რამდენ ხმას იღებს და საარჩევნო სტრატეგიაში ვერაფერს შემატებს.
პირველი არჩევნებია, სადაც ახალი სახეები არ ეყოლებათ. რომ შევხედოთ – 2016-ში არჩევნებზე კვირიკაშვილით წავიდნენ, ეს იყო ახალი სახე… იმუშავა ამან. 2020 წლის არჩევნებზე იყო გახარია, რომელიც კოვიდის მენეჯერი იყო და რაღაც ისეთი ტიპი – თვალის ჩაკვრები და რაღაცეები…
ეს კი პირველი არჩევნებია, რომელზეც არ ჰყავს ახალი სახე. ჰყავთ, იგივე დაძველებული – ერთი ირაკლი შეცვალეს მეორით. კობახიძე თუ ვინმეს ჰგონია პარტიის თავმჯდომარიდან პრემიერი გახდა და ახალი სახეა, ცოტა ცდება. ჩემი აზრით, გაზარმაცდნენ რაღაცეებში ან მოეშალათ რაღაცები… ადრე სხვა რაღაცეები გამოიტანეს, ახლა კი ლგბტ და კობახიძე… რა ვიცი მე. ოპოზიცია ცოტა ძლიერი, რომ იყოს, ჩემი აზრით, ძალიან მაგარი შანსები ექნებოდა…
ოპოზიციის მხარესაც არ არის ყველაფერი კარგად, უნდა ვაღიაროთ, სამწუხაროდ. გაურკვევლობაა ამ ეტაპზე. ეს 5%-იანი ბარიერი რთული გადასალახია, “ნაცმოძრაობის” გარდა ყველასთვის. კი აქვს შანსები აქვს ორი ნიკას გაერთიანებას, გახარიას,”ლელოს”, “გირჩი” – პარლამენტის, არიან კიდევ ვიღაცეები, მაგრამ ასე დაქუცმაცებით, “ქართულ ოცნებას” ერთადერთი მათემატიკური შანსი ალბათ რაც აქვს, აგროვებს რაღაც “საკონტროლო პაკეტს” “დაკარგული ხმებით” უბრალო უმრავლესობა აიღოს. ოპოზიციის ასეთი დაქუცმაცება შანსია ბიძინა ივანიშვილისთვის, რომ ამჯერადაც გადარჩეს და რაღაც “ტრიუკი” გაგვიკეთოს“, – განაცხადა ნოდარ ხარშილაძემ.