მმართველი პარტიის მიერ წამოყენებულ საკანონმდებლო ინიციატივას სექსუალურ უმცირესობებთან დაკავშირებით და “ქართული ოცნების” თავმჯდომარის, ირაკლი ღარიბაშვილის შეფასებებს ამ მხრივ აზრთასხვადასხვაობა და მწვავე დისკუსიები მოჰყვა სოციალურ ქსელში, რასაც ერთგვარი (არა)რიტორიკული შეკითხვებით და ემოციური პოზიციით ეხმაურება ანალიტიკოსი, პოლიტიკის ექსპერტი ხათუნა ლაგაზიძე:
“რა ხდება ხალხო ამ ქვეყანაში, გამაგებინეთ🤔😳 რამდენიმე დღეა მოვწყდი საინფორმაციო სივრცეს და გამოქვაბულში დავბრუნდით?!
კომბლები ჩვენი ნებით უნდა აღვიღოთ ხელში და ჩადრები ნებაყოფლობით ჩამოვიმხოთ თუ საკანონმდებლო აქტით დაგვავალდებულებენ?! და მორალის პოლიცია არ გვინდა?!
საქმეში ჩაუხედავი ადამიანისთვის, სრული საგიჟეთი ტრიალებს სოცქსელებში და მართლა რა ხდება, ამიხსენით ვინმემ“, – წერს ფეისბუქის პირად გვერდზე ხათუნა ლაგაზიძე.
