ტელეკომპანია “კავკასიას” გენერალური დირექტორი, ნინო ჯანგირაშვილი “ქართული ოცნების” აღმასრულებელი მდივნის, მამუკა მდინარაძის ბრიფინგს ეხმაურება:
“ვუსმენ მამუკა მდინარაძის ბრიფინგს და მგონია მარგარიტა სიმონიანს, პუტინს და სალავიოვს ვუსმენ. ვერ ვიჯერებ. ასე ერთი ერთზე რუსული პროპაგანდის გადმოღება როგორ შეიძლება არ გიტყდებოდეს ადამიანს.
პუტინის ერთადერთი პროპაგანდისტული იარაღი, მას შემდეგ, რაც დააქცია რუსეთი, ასობით ათასი კაცი მოკლა, პერსპექტივა დაუკარგა ყველა რუსს და თვითონ იმდენი მილიარდი აქვს, სად აქვს გადამალული აღარც ახსოვს, არის ეგრეთწოდებული “ტრადიციული ფასეულობების“ დაცვა. ახლა ეს პუტინის ფლოსტები ეტორღიალებიან ამ აბსურდს. რუსული კანონი 2 შემოაგორეს.
გაკოტრებულ ქოცებს, რომლებიც კორუფციაში იხრჩობიან, საკუთარი ძალაუფლების და ფულის გადასარჩენად ერთადერთი გზა აქვთ, ამ ვითომ ტრადიციულ ფასეულობებს ამოეფარონ. გათვლა არის ის, რომ პარტიები დაკომპლექსდებიან და არ გაუწევენ წინააღმდეგობას. ვინც შეეწინააღმდეგება, იმათ ქვეყნის, ტრადიციების და ფასეულობების მტრად გამოაცხადებენ. ვინც ეს იაფფასიანი სალაფავი ჭამოს, ის იყოს ზარქუა. მართლა მარგარიტა სიმონიანს უნდა შესტენო ეს არარაობები უკან.
დღის ძალიან ბოლოს: დედა ვერასოდეს გახდება მამა, მაგრამ დღეიდან მამუკა მდინარაძე ჩემთვის გახდა მარგო (ცუდი არაფერი იფიქროთ, უბრალოდ მარგარიტა სიმონიანის ასლია)“, – წერს ფეისბუქის პირად გვერდზე ნინო ჯანგირაშვილი.
