ევროპარლამენტის ანგარიშში, ევროპარლამენტარის, ანა ფოტიგას ინიციატივით, ერთ-ერთი პუნქტად საქართველოს მე-3 პრეზიდენტის, მიხეილ სააკაშვილის შეწყალების/გათავისუფლების საკითხია შეტანილი.
თემასთან დაკავშირებით კრიტიკულ განცხადებას აკეთებს ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, მიხეილ სარჯველაძე:
,,რაც შეეხება რეზოლუციაში იმ ჩანაწერს, რომელიც უკვე შეგვიძლია ამას გაბედულად დავარქვათ სიტყვა პროვოკაცია.
მე მეჩვენება, რომ ფოტიგას ასეთი უცნაური ინიციატივა, იყო რეალურად ერთი ფუნქციის განსახორციელებლად და შესასრულებლად, როგორც ჩანს. გამიხარდება თუ მეშლება, მაგრამ ყველაფერი ამაზე მიანიშნებს – ცდილობენ, რომ მოუმზადონ საქართველოს პრეზიდენტს, სალომე ზურაბიშვილს, რომ მან მიიღოს გადაწყვეტილება სააკაშვილის შეწყალებასთან დაკავშირებით.
როგორც ჩანს, სალომე ზურაბიშვილი აპირებს ამის გაკეთებას. ის უბრალოდ მძევალია მის მიერ გაკეთებული, სხვათაშორის, იმ ხანად აბსოლუტურად მართებული განცხადებისა. ახლა მას, როდესაც გადაწყვიტილი აქვს, რომ შეიცვალოს ეს პოზიცია, სჭირდება უბრალოდ მყარი დასაყრდენი“, – განაცხადა მიხეილ სარჯველაძემ.
ავტორი
ნინი ხიჯაკაძე
