“მე ჩემი ქვეყანა მტკივა, და იმ ხალხის გაჭირვება მტკივა, რომელიც გარბის საქართველოდან, ეს არის მთავარი. იცოდეთ, რომ ხალხი სხვა რეალობაში ცხოვრობს და იმ ხალხს გაეცით პასუხი“, – ასე მიმართა „სტრატეგია აღმაშენებლის“ ლიდერმა, გიორგი ვაშაძემ ფინანსთა მინისტრს, ლაშა ხუციშვილს.
როგორც ვაშაძე აღნიშნავს, ქვეყნის ბიუჯეტი ხალხის სასარგებლოდ არ იხარჯება და მხოლოდ ელიტების კიდევ უფრო გამდიდრებისკენაა მიმართული.
მისივე თქმით, სტრატეგიული პროექტების უმრავლესობა დაუსრულებელია, მილიარდობით ლარი კი დახარჯული:
“მე ჩემი ქვეყანა მტკივა, და იმ ხალხის გაჭირვება მტკივა, რომელიც გარბის საქართველოდან, ეს არის მთავარი. იცოდეთ, რომ ხალხი სხვა რეალობაში ცხოვრობს და იმ ხალხს გაეცით პასუხი.
23 სტრატეგიული პროექტიდან, 25 მილიარდია დახარჯული და 21 დაუმთავრებელია, სად წავიდა ეს ფული? ეს ხომ ხალხის ფულია, რამდენ კარგ საქმეს გააკეთებდით ამით. მარტო წარსულზე საუბარი, ახლა ჩვენ რომ დავიწყოთ, შევარდნაძის დროს ასეთი იყო უმუშევრობა, სამუშაო ადგილი თითქმის არ არსებობდა 2003 წლამდე, რაზე მელაპარაკებით საერთოდ?!
წარსული კი არა, მომავალზე უნდა ვილაპარაკოთ, რისი გამკეთებლები ხართ, რას მოუტანთ ხალხს, როგორ დახარჯავთ ფულს, რომ სამუშაო ადგილი შეიქმნას და პროდუქციის ფასი შემცირდეს, რომ ადამიანებს ჰქონდეთ ყიდვის შესაძლებლობა.
არ შეიძლება ბიუჯეტი არ ხმარდებოდეს ხალხს, კოლოსალური თანხაა ბიუჯეტში, მაგრამ ეს ხალხის სასარგებლოდ არ იხარჯება, ესაა თქვენსა და ჩვენს შორის სხვაობა, ჩვენ გვინდა ხალხი იყოს დაფასებული ამ ქვეყანაში, თქვენ კიდევ დღევანდელი დღე მოგწონთ, ელიტა ზემდიდარი, ხალხი უკიდურესად ღარიბი”, – განაცხადა ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
