ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია ერთ-ერთ შეხვედრაზე პასუხობს ახალგაზრდის შეკითხვას, რომ ,,ძალიან ბევრ ახალგაზრდას საქართველოს მოსახლეობაში სურს ან მიდის ქვეყნიდან ძალიან ბევრი მიზეზის გამო. რას ფიქრობთ ამ თემაზე?“:
,,ცოტა რთული თემაა – ის ახალგაზრდები, რომლებიც მიდიან განათლების მისაღებად და შემდგომ რომ დაბრუნდნენ, ამას მივესალმები. ერთადერთი, რის გამოც ეს ხალხი მიდის…
დღეს, თბილისში რომ დადიხარ, თბილისი თავისი ,,ფუფუნების” საგნებით ან ცხოვრების წესით, ბევრ ევროპულ ქალაქს უკვე აღარ ჩამოუვარდება!
ვიღაცას თუ ჰგონია, რომ იმიტომ გარბის ხალხი, რომ აქ ნორმალური ცხოვრება შეუძლებელია – არა! უბრალოდ აქ უსამართლობაა, არ არსებობს ერთიანი, თანასწორი პირობები ყველასთვის. სანამ ეს ერთიანი, თანასწორი პირობები არ იქნება ყველასთვის, ვერავის ვერ დავაბრუნებთ. ვერც მოსთხოვ დაბრუნებას. იმიტომ, რომ ყველას უნდა სამართლიან გარემოში იცხოვროს და მიაღწიოს თავისი ცხოვრების მიზნებს.
ამისთვის აუცილებელია სამართლიანი გარემო, რომ შენ თავთან კონფლიქტში არ მოხვიდე, ღირსებასა და ფასეულობებზე უარის თქმა არ მოგიწიოს.
ამოცანა, კიდევ ერთხელ არის, რომ ამ არჩევნებით ქვეყანა ნორმალურ მდგომარეობას უნდა დაუბრუნდეს“, – განაცხადა გიორგი გახარიამ.
ავტორი
ნინი ხიჯაკაძე
