იურისტი, სამოქალაქო აქტივისტი ბაჩანა შენგელია დღევანდელი გადასახედიდან მწვავე შეფასებას ახდენს 2 წლის წინ გახარიას პარტიასთან ენმ-ს შეთანხმებას ზუგდიდის საკრებულოში უმრავლესობის ფორმირების მიზნით:
“ორი წელი გავიდა ზუგდიდში გახარიასთან ენმ-ის კოლაბორაციიდან და სამწუხაროდ არც ერთი აგური ამ გადაწყვეტილებას რეჟიმის დამონტაჟის საქმეში არ დაუდია, უფრო პირიქით.
გვაქვს ასეთი მოცემულობა: ამ გადაწყვეტილებისთვის ხმის მიმცემთა და სულისჩამდგმელთა უმრავლესობამ ნაციონალური მოძრაობა დატოვა, ხოლო გახარიას პარტია მიხეილ სააკაშვილის ციხის საავადმყოფოდან საპყრობილეში გადაყვანას ითხოვს.
მესმის, გისოსებს მიღმა რთულია სიტუაციის სრულად აღქმა, მაგრამ იქნებ ახლა მაინც გავაცნოებიეროთ ვინ მტერია და ვინ მოყვარე?! ამ მაგალითზე ვისწავლოთ, რომ კომპრომისი მორალთან ან ღირებულებებთან არის დაუშვებელი, არ მოსულა ეგ არც პოლიტიკაში და არც არაფერში საერთოდ!” – წერს ფეისბუქის პირად გვერდზე ბაჩანა შენგელია.
