რუსეთის საპატიმროში რუსი ოპოზიციონერი პოლიტიკოსის, ალექსეი ნავალნის გარდაცვალების ფაქტს, კონკრეტული შეფასება-მოლოდინებით, ეხმაურება ფსიქოლოგი, არტთერაპევტი, ფსიქოთერაპიის ცენტრ “კამარა”-ს დამფუძნებელი ნათია ფანჯიკიძე:
“ნავალნი ის შემთხვევაა, მტრის ვაჟკაცობასაც რომ დააფასებ.
თან მართლა “ერთი არ დაუკვნესია”.
მეეჭვება მასობრივად რუს ხალხში არსებობდეს მსგავსი ღირებულება ოღონდ. რუსების “თავგანწირვა” ძირითადად, არა იდეალების ერთგულებას, არამედ ბელადის ბრძანებას მოსდევს, ბრმა მორჩილების ფორმა აქვს და არა წინააღმდეგობის, სხვისი სიძულვილით იკვებება და არა საკუთარის სიყვარულით.
მოკლედ, რუს ერში ნავალნის ეს თავგანწირვა და მსხვერპლი არანაირ მნიშვნელოვან ტრანსფორმაციას არ მოემსახურება. იმ ერების კატეგორიაა, რომელსაც ყველაფერი აქვს და მაინც ვერ ვითარდება.
მხოლოდ მაშინ გაბრდღვნიან “აკელას”, როცა ის საკმარისად დაუძლურდება და აირჩევენ სხვას არა ცივილიზაციის სასარგებლოდ, არამედ ისეთივეს, ვინც ღორივით თქვლეფას მასსავით გააგრძელებს“, – წერს ფეისბუქის პირად გვერდზე ნათია ფანჯიკიძე.
