,,მთავარი არხის” დამფუძნებელი, ნიკა გვარამია ჟურნალისტებთან კომენტარს აკეთებს თავისი გუნდის ფორმირებასა და პოლიტიკური პარტიის ჩამოყალიბებასთან დაკავშირებით:
,,ჩემი გუნდის კონტურები დიდი ხანია გამოკვეთილია და უკვე მნიშვნელოვანი ბირთვიც ჩამოყალიბებულია. უბრალოდ, ჩვენ ვმუშაობთ, ვგეგმავთ, მაგრამ ჩემთვის საინტერესო არის ფართო პოლიტიკური პლატფორმები, რომლებიც გაერთიანების განაცხადსაც გააკეთებენ, გარდა სხვა ტიპის განაცხადისა იმიტომ, რომ მე მგონია, რომ წარმატების რეცეპტი გაერთიანებაშია და გაერთიანებაშია მომავალი.
ეს ჩვენი პასუხისმგებლობაც არის, მარტო შესაძლებლობა არ არის.
ამასთან, მე არ მგონია, რომ ძალიან ცოტა დრო დარჩა, გულწრფელად გეტყვით, მე მგონია, რომ დრო ჩვენზე მუშაობს და მე ამას სუფთა პოლიტექნოლოგიურად ვუყურებ, როგორც “ბლიცკრიგს”, სწრაფ საარჩევნო კამპანიას. მთავარია ფუნდამენტური გადაწყვეტილებები მივიღოთ სწორად, საჩქარო არაფერი არ არის“,- განაცხადა ნიკა გვარამიამ.
ავტორი
მარიამ ხაჩირაშვილი
