რაჭაში, შოვში მომხდარ სტიქიურ უბედურებას, სოციალურ ქსელში გამოქვეყნებული ემოციური პოსტით იხსენებს ერთ-ერთი თვითმხილველი, ლანა ჯელაძე:
,,ორი დღის წინ ნატახტრიდან რაჭაში ჩამოვედი თვითმფრინავით ზუსტად 35 წუთში. კი ვიცოდი ეს დრო რომ სჭირდებოდა, მაგრამ მაინც გამიახლა ამ ყველაფერმა 3 აგვისტოს ტკივილი, როგორ გვალოდინეს ყელამდე მეწყერში ჩაფლულები 4 საათის განმავლობაში, სიკვდილის პირას მისულები, როცა შეიძლებოდა მაქსიმუმ 50 წუთში იქ ყოფილიყვნენ და ეშველათ ხალხისთვის…
ყოველ დღე უფრო მეტად ვბრაზდები… ეს რა უსამართლო და უიმედო ქვეყანაში ვცხოვრობთ…🤢“, – წერს ფეისბუქის პირად გვერდზე ლანა ჯელაძე.
ინფორმაციისთვის: 2023 წლის 3 აგვისტოს კურორტ შოვის ტერიტორიაზე ღვარცოფი ჩამოწვა, რასაც 32 ადამიანის სიცოცხლე ემსხვერპლა.
ავტორი
ნინი ხიჯაკაძე
