საქართველოს პარლამენტის წევრი, ,,სტრატეგია აღმაშენებლის“ თავმჯდომარე, გიორგი ვაშაძე ჟურნალისტებთან კომენტარს აკეთებს საქართველოს პრეზიდენტის, სალომე ზურაბიშვილის იმპიჩმენტის საკითხთან დაკავშირებით:
,,სალომე ზურაბიშვილი ბიძინა ივანიშვილის საცეცებიდან შორს არ წასულა. როცა ბიძინა ივანიშვილის ინტერესია – ფარცხალაძეს მოქალაქეობას უნარჩუნებს, ეროვნულ ბანკში იმ ადამიანებს ნიშნავს, ვინც მას უნდა, როცა მას უნდა – იუსტიციის საბჭო, ცენტრალური საარჩევნო კომისია…
არცერთი კონკრეტული გადაწყვეტილება, რომელიც შეასუსტებდა ,,ქართული ოცნების” რუსულ რეჟიმს, მას არ მიუღია.
ეს ყველაფერი არის შოუ! თუ ივანიშვილს იმპიჩმენტი გამოუვა და ახალ პრეზიდენტს აირჩევს, როგორც მინიმუმ 5 წელი გარანტირებული შემწყალებელი ჰყავს, როგორც მინიმუმ“, – განაცხადა გიორგი ვაშაძემ.
ავტორი
მარიამ ხაჩირაშვილი
