ქართული პოლიტიკა, პრეზიდენტის გამოსვლა ევროპარლამენტში და “ტაბულა მედიას” დამფუძნებლის, თამარ ჩერგოლეიშვილის “ორმხრივი უნდობლობა”:
“არც შევაფასებ და არც რა.
არა შეჯდა მწყერი ხესა, არა იყო გვარი მისი.
თუ მენდობით, გაფრთხილდით, რომ შემდეგში მარიონეტები არ აირჩიოთ და აირჩიოთ ის, ვინც თავის თავს ეკუთვნის და თავისი თავითაა პასუხიმგებელი თქვენ წინაშე.
ორივე ფრონტზე მრავლად არიან მარიონეტები“, – წერს ფეისბუქის პირად გვერდზე თამარ ჩერგოლეიშვილი.
ხოლო, უფრო ადრე გამოქვეყნებულ პოსტში, ოპოზიციურ პარტიებს კონკრეტულ წინადადებას სთავაზობს და თავის პოზიციას აფიქსირებს ამომრჩეველთა საყურადღებოდ:
“სანამ ტელევიზიებში ოპოზიციურ პარტიებს შორის, მდგომარეობიდან გამოსავალზე და მომავლის პოლიტიკაზე აქტიური დებატები არ გაიმართება თანასწორ მოედანზე!
სანამ ამომრჩეველი არ გაიგებს, რას სთავაზობენ მას ოპოზიციური პარტიები იმ საკითხებზე, რაც მათ აწუხებს.
სანამ ამომრჩეველი არ ჩამოყალიბდება რომელი პარტია განასახიერებს მის ინტერესებს და რომელი უკეთ იზრუნებს მასზე საქართველო იქნება შემთხვევითობაზე დამოკიდებული, რუსულ ჭაობში ყვინთვას გააგრძელებს და მისი სუვერენიტეტი იქნება ეგზისტენციალური საფრთხის ქვეშ.
ანუ ვინც არ მეთანხმება ამ ცივილიზაციურ ჭეშმარიტებაში და ამას არ აკეთებს, ყველა პუტინის სასარგებლო იდიოტია, ჟურნალისტიან, პოლიტიკოსიანად“, – აღნიშნავს თამარ ჩერგოლეიშვილი.
