ხმაური და დაპირისპირება მოჰყვა ,,ხალხის ძალის” მიერ პარლამენტში ინიცირებულ კანონპროექტს ,,უცხოური გალენის აგენტების” შესახებ, რომელსაც მწვავე კრიტიკულ შეფასებებს აძლევს საქართველოს პარლამენტის წევრი, ,,სტრატეგია აღმაშენებლის” გენერალური მდივანი პაატა მანჯგალაძე. ოპოზიციონერი ლიდერი ყველას მოუწოდებს, რომ მხარი არ დაუჭირონ აღნიშნულ კანონპროექტს:
,,ამ კანონის არსი და მიზანი მოცემული კონტექსტით, რას ნიშნავს? – ნიშნავს იმას, რომ ამერიკამ ან რუსეთმა რა საფრთხეც დაინახა დასავლეთში, იგივე საფრთხე დაუნახია თურმე ,,ქართულ ოცნებას” ევროპაში ინტეგრაციის ნაცვლად, დასავლურ ცივილიზაციაში, ჩვენს დასავლელ პარტნიორებში.
თურმე ამერიკა კი არ ყოფილა სტრატეგიული პარტნიორი, ამერიკა ვისაც ეხმარება და აფინანსებს, ყოფილა ამერიკის გავლენის აგენტი. ანუ ვისი პოზიციიდან მელაპარაკები?! როცა ამერიკიდან მიღებულ დაფინანსებას გავლენის აგენტს ეძახი, ეს ხომ რუსის პოზიციიდან ლაპარაკია?!
ამ კანონზე ხმის მიცემა არის წითელი ხაზი!
მივმართავ მოქალაქეებს, ,,ქართულ ოცნებას” – თუ ვინმეს შერჩენია გონება და ღირსება, არ გაუყიდია სული – ამ კანონზე ხმის მიცემა, სწორედ ამ კანონის ფილოსოფიიდან გამომდინარე, მას მხარი არ უნდა დავუჭიროთ”, – განაცხადა პაატა მანჯგალაძემ.
ავტორი
ნინი ხიჯაკაძე
