კულტურის, სპორტისა და ახალგზარდობია მინისტრის თეა წულუკიანის განცხადებით, გელათის სამონასტრო კომპლექსის რესტავრაციის პროცესს არა სამინისტრო, არამედ საქართველოს საპატრიარქო უხელმძღვანელებს:
,,შევთანხმდით შემდეგზე, რომ საქართველოს საპატრიარქო იზიარებს ჩემს ინიციატივას იმასთან დაკავშირებით, რომ გელათის სამონასტრო კომპლექსში პრობლემების აღმოფხვრის, კონსერვაციისა და რესტავრაციის პროცესს, როცა ამის დრო დადგება, როგორც კედლის მხატვრობაზე, ასევე გადახურვაზე – სრულად სათავეში ჩაუდგეს საქართველოს საპატრიარქო, სამინისტრო აღარ იყოს ამ პროცესში წამყვანი.
ხოლო სამინისტრო – იმ ფინანსურ რესურს, რომელიც თავად უნდა დაეხარჯა, გადასცემს საქართველოს საპატრიარქოს. ის ამ ფინანსური რესურსით შეძლებს, უკვე წარმართოს პრობლემების აღმოფხვრის პროცესი”, – განაცხადა თეა წულუკიანმა.
ავტორი
ნინი ხიჯაკაძე
