პარტია ,,ქართული ოცნების“ თავმჯდომარე ირაკლი კობახიძე, ტელეკომპანია ,,იმედის“ გადაცემაში ,,იმედი live”, კონკრეტულ სახელებსა და გვარებს ასახელებს, რომლებიც მისი განცხადებით, არაპირდაპირი აგენტები იყვნენ:
,,ჯაშუშები არიან ქართულ პოლიტიკაში. საიდან არიან ესენი მართულნი, ვინ არიან და ა.შ. ამას არ ვიტყვი. გეტყვით, რომ იგივე ჩვენს გუნდშიც იყვნენ, თავის დროზე, ასევე, ჯაშუშის ჯაშუშები, ასე ვთქვათ, აგენტის აგენტები.
ეს ჩვეულებრივი მოვლენაა, ზოგადად. ნებისმიერ დიდ სახელმწიფოს აქვს ინტერესი, რომ პატარა სახელმწიფოში გარკვეული ტიპის ინტერვენცია განახორციელოს.
გარკვეულმა ადამიანებმა ძალიან მძიმე როლი შეასრულეს სხვადასხვა ეტაპზე და მძიმედ დააზიანეს ჩვენი გუნდი. კონკრეტული გვარებიც შემიძლია გითხრათ, ოღონდ არა ჯაშუშების, არამედ არაპირდაპირი/ირიბი აგენტების. მაგალითად, ვანო მერაბიშვილს, როდესაც ის იყო შინაგან საქმეთა მინისტრი, გადაბირებული ჰყავდა კონკრეტული ადამიანები, როცა ისინი ოპოზიციონერები იყვნენ, ეს ადამიანები შემდეგ გახდნენ ,,ქართული ოცნების“ მოძრაობის წევრები. ხშირ შემთხვევაში გუნდმა იცოდა კიდეც, რომ ისინი იყვნენ მართულნი. სიტყვაზე ავიღოთ, გია ხუხაშვილი. არასდროს არ მიხსენებია ეს კაცი, თვითონ ილანძღება ხოლმე, დღემდე ბოღმას ანთხევს და არის ,,ნაცმოძრაობის“ ერთ-ერთი მხარდამჭერი. ვისაც უნდა სცოდნოდა, მან იცოდა თუ საიდან იყო მართული და 2013 წელს მალევე, გუნდიდან იქნა გაშვებული.
მოგვიანებით, საინტერესო “ქეისი” იყო ეკა ბესელია, რომელიც თავის დროზე, ასევე, იყო ვანო მერაბიშვილის მრევლში. მასზეც ინფორმაცია, რეალურად ვისაც უნდა სცოდნოდა, იცოდა. მან თავი, სხვადასხვა კუთხით, განსაკუთრებით გამოავლინა 2018-2019 წლებში, ხოლო 2019 წლიდან ის გუნდშიც აღარ იყო. ასევე, კახა ოქრიაშვილი – დღეს ღიად და პირდაპირ ვანო მერაბიშვილთან არის დაკავშირებული. გახარიაზე – მოგვიანებით ბევრი რამის თქმა შეიძლება“, – განაცხადა ირაკლი კობახიძემ.
ავტორი
ნინი ხიჯაკაძე
