,,ხალხის ძალის“ მიერ დაინიცირებულ კანონპროექტ ე.წ. ,,აგენტის რეესტრზე“, კრიტიკულ შეფასებას აკეთებს პარტია ,,ლელო – საქართველოსთვის“ გენერალური მდივანი ბადრი ჯაფარიძე:
,,ასეთი ტიპის კანონი იქნება ყოველთვის მძაფრი კრიტიკის ქვეშ, თუ ,,ქართული ოცნება“ გადაწყვეტს და მაინც უმრავლესობით ამას გაიტანს.
ცხადია, რომ ,,ქართული ოცნების“ პირობებში ჩვენ არ უნდა გვიკვირდეს დევნა, რეპრესიები, შეზღუდვები, შევიწროება.
კიდევ ერთხელ მინდა ხაზი გავუსვა – კრიტიკა მხოლოდ გამძაფრდება იმიტომ, რომ ნათელია, ამ კანონპროექტს ერთადერთი მიზანი აქვს, შექმნან დამატებითი ინსტრუმენტი თავისი პროპაგანდისთვის და მათთვის არასასურველი პირებისა თუ ორგანიზაციების დევნისთვის“, – განაცხადა ბადრი ჯაფარიძემ.
ინფორმაციისთვის: დღეს პარლამენტის ბიუროს წარედგინა ,,ხალხის ძალის“ მიერ ინიცირებული კანონპროექტი “უცხოური გავლენის გამჭვირვალობის შესახებ”.
ავტორი
ნინი ხიჯაკაძე
