საქართველოს მთავრობამ 76-მილიონ დოლარიანი საარბიტრაჟო დავა წააგო რუსულ ენერგეტიკულ კომპანია „ინტერ-რაოსთან“. ამასთან დაკავშირებით, მწვავე განცხადებას აკეთებს პარტია ,,ლელო საქართველოსთვის“ პოლიტიკური საბჭოს წევრი საბა ბუაძე:
,,კალაძის არაკომპეტენტური მმართველობის შედეგად მივიღეთ ის, რომ გაიზარდა რუსეთზე ჩვენი დამოკიდებულება – ენერგეტიკული თვალსაზრისით. პლიუს, ამასთან ერთად თითქმის 100 მლნ$-ის გადახდა დაგვეკისრა.
დიდი ხანია საზოგადოება მოუწოდებდა კალაძეს, სწორედ ამ ხელშეკრულებასთან დაკავშირებით, გაესაჯაროვებინა დეტალები იმისათვის, რომ ჩვენ თავად გვქონოდა შესაძლებლობა, რომ შეგვეფასებინა რა იყო აქ სწორად გაკეთებული და რა იყო არასწორად, მაგრამ კარგად გამოჩნდა წლების განმავლობაში, რატომ ხდებოდა ამ ინფორმაციის დამალვა. ამ დამალული ინფორმაციების შედეგები, ჩვენ, გუშინ საკუთარ თავზე ვიწვნიეთ“, – განაცხადა საბა ბუაძე
ინფორმაციისთვის: საქართველომ რუსულ ენერგოკომპანია ,,Inter Rao/ინტერ რაო“-სთან საარბიტრაჟო დავა წააგო და საქართველოს მხარეს დაეკისრა 76 მლნ$-ის გადახდა. აღნიშნული დავა უკავშირდება 2014 წელს ენერგეტიკის სამინისტროს გადაწყვეტილებას რუსულ ენერგოკომპანიასთან მიმართებაში. აღსანიშნავია, რომ იმ დროს მინისტრი იყო კახა კალაძე.
ავტორი
ნინი ხიჯაკაძე
