ნიკა მელიასთან მიმართებაში ფარული აუდიოჩანაწერების გავრცელებას სოციალურ ქსელში ეხმაურება, “ტაბულა მედიას” დამფუძნებელი, ამომრჩეველთა განათლების საზოგადოების დირექტორი თამარ ჩერგოლეიშვილი და მწვავე პოზიციას აფიქსირებს თავდაცვის ყოფილი მინისტრის დავით კეზერაშვილისა და ყოფილი შს მინისტრის, ასევე ყოფილი პრემიერ-მინისტრის ვანო მერაბიშვილის მიმართ:
“გაითვალისწინეთ, რომ კეზერაშვილისთვის და მერაბიშვილისთვის ძალაუფლების დაბრუნება მაგას ნიშნავს – ყველაფრის კადრებას, პირადი ჩანაწერებით ბრძოლას, ადამიანებით ვაჭრობას, “პალაჟენიით” მუქარას (“ფორმულას” თანამშრომლები უკვე ასე იქცევიან – ბოდიში მოიხადე, თორემ ბევრი მეგობარი გვყავს ჩვენ და ინანებო, ამას წინათ ვიღაცას წერდნენ, ვინც ერთერთ insecure წამყვანს დასცინა) მედიით მანიპულირებას, კრიტიკოსების დაბლოკვას…
ასეთი ალტერნატივა ბიძინას ვერ მოუგებს ცხადია, ქართულ პოლიტიკურ სხეულში გაჩენილი ფურუნკულის ფუნქციას თუ შეასრულებს.
ასეთ ფურუნკულებს ანტიბიოტიკური მკურნალობა სჭირდება და პარალელურად – ახალი
ალტერნატიული პოლიტიკური წესრიგის დამყარება.
ამას ვაკეთებთ ჩვენ – ევროპული საქართველო.
ახალ პოლიტიკურ წესრიგს ვქმნით ჩვენს სივრცეში და ვაფართოვებთ.
ამ სამარცხვინო ცირკზე კომენტირებაც კი გულისამრევია.
(ყველაფერს არ ვამბობ, ისეთი საზიზღარია ორივე მხარე, არ მინდა შემთხვევით რომელიმეს დავეხმარო)“, – წერს ფეისბუქის პირად გვერდზე თამარ ჩერგოლეიშვილი.
ინფორმაციისთვის: სოციალურ ქსელში და მედიაში ნიკა მელიაზე ფარული აუდიო ჩანაწერები გავრცელდა, სადაც მიხეილ სააკაშვილთან დაკავშირებით კონკრეტული დამოკიდებულებაა დაფიქსირებული.
