“აქ არის საკითხი – მიშა სააკაშვილი ან გადარჩება, ან დამთავრდება ლეტალური შედეგით” – გიორგი სააკაშვილი

საქართველოს მე-3 პრეზიდენტის მორიგი სასამართლო პროცესი საქალაქო სასამართლოში მიმდინარეობს. პროცესის პარალელურად, მოლოდინებთან დაკავშირებით ემოციურ კომენტარს აკეთებს მიხეილ სააკაშვილის ძმა, გიორგი სააკაშვილი:

,,აქ არის საკითხი – მიშა სააკაშვილი ან გადარჩება, ან დამთავრდება ლეტალური შედეგით. ეს ყველაფერი დამოკიდებულია, რა თქმა უნდა, რა გადაწყვეტილებას მიიღებს ,,ქართული ოცნება“.

ჩვენ თუ გვინდა, რომ ვიყოთ ევროპული საზოგადოების წევრი, როგორც იძახიან მმართველი პარტიის წევრები… გუშინ, მოგეხსენებათ, ევროპელი ელჩებიც იყვნენ რატი ბრეგაძესთან, შეხვედრა ჰქონდათ.

ყველანი ვთანხმდებით ერთზე – მიშა უნდა გადარჩეს, მაგრამ მთავარი არის რა გადაწყვეტილებას მიიღებს… მე, მაინც, დღევანდელი სასამართლო პროცესის იმედს ვიქონიებ. მე არ ვიცი უნდა მჯეროდეს თუ არა, რა გადაწყვეტილებას მიიღებს, ან დაჩქარებული წესით, ვინაიდან წინა სასამართლო პროცესზე დაიკითხა ერთი ექსპერტი, რაც თუ ესეთი ტემპით გაგრძელდება – გაგრძელდება რამდენიმე თვე.

აქ არის დღეებზე, კვირებზე საუბარი, კვირებზეც არა, დღეებზე რომ მიიღოს მმართველმა პარტიამ გადაწყვეტილება – მიშას ვწირავთ ბოლომდე თუ ვაძლევთ სიცოცხლის უფლებას“, – განაცხადა გიორგი სააკაშვილმა.

ავტორი
ნინი ხიჯაკაძე