უკრაინის პრეზიდენტის, ვოლოდიმირ ზელენსკის მიმართვაზე საქართველოს ხელისუფლებისადმი, რომ მოხდეს მიხეილ სააკაშვილის გადაყვანა საზღვარგარეთ სამკურნალოდ, მწვავე შეფასებას აკეთებს საპარლამენტო უმრავლესობის წევრი მამუკა მდინარაძე:
,,სააკაშვილის საქართველოში გამოგზავნა, კიდევ უფრო რომ დავაზუსტოთ, იყო სპეცოპერაცია! დღეს სპეცოპერაციის ავტორებმა, სპეცოპერაციის ობიექტის, შემსრულებლის სასარგებლოდ უზრუნველყვეს უკრაინის პრეზიდენტის განცხადებაც კი. ეს არის მარტივი შეფასება.
როდესაც ჩვენ ვსაუბრობთ, რომ ომში ჩართვა იყო ამ სპეცოპერაციის ერთ-ერთი მთავარი მიზანი, ამას შემთხვევით ხომ არ ვამბობთ?! – ფაქტებს ვიშველიებთ! მათ შორის, შემთხვევითი არ არის ამ განცხადებასთან თანხვედრაში, ლოგიკურად შეიძლება განვიხილოთ უკრაინის რიგი მაღალჩინოსნების განცხადება, რომ ,,ომის ხალხი არ არის საქართველოს ხელისუფლებაში დღეს, აი – მიხელ სააკაშვილი ამას გააკეთებდაო”.
დიახ! მათ აქვთ ეს მოლოდინი. სპეცოპერაციის დამგეგმავებმა, ასევე, უზრუნველყვეს, რომ უკრაინის პრეზიდენტიც კი გამოეხმაურა ამ ამბავს და მოუწოდა საქართველოს ხელისუფლებას ის, რაც მოუწოდა”, – განაცხადა მამუკა მდინარაძემ.
ავტორი
ნინი ხიჯაკაძე
