“ლოგიკა, რომელსაც 10 წლის განმავლობაში პროპაგანდისთვის იყენებს “ქართული ოცნება” – ეს არის კრემლის ლოგიკა და პროპაგანდა” – ხატია დეკანოიძე

ფრაქცია ,,ერთიანი ნაციონალური მოძრაობა – ძალა ერთობაშიას” თავმჯდომარე ხატია დეკანოიძე პოლიტიკურ შეფასებას აკეთებს მმართველი პარტიის ლიდერების განცხადებებზე, რომლებიც ეხება რუსეთის მიმართ არ გაღიზიანების პოლიტიკას:

,,ლოგიკა, რომელსაც მთელი 10 წლის განმავლობაში პროპაგანდისთვის იყენებს ,,ქართული ოცნება”, რომ საქართველო სახელმწიფოს აბრალებს სამხედრო აგრესიას რუსეთის წინააღმდეგ, ეს არის პირველ რიგში ნამდვილად კრემლის ლოგიკა და პროპაგანდა. ამას ამბობდა ზუსტად და ხაზს უსვამდა პუტინი და მედვედევი თავიანთ განცხადებებში.

რეალურად, თუ ვინმეს უნდა საქართველოში დღეს რუსეთის მხარეს წარმოჩინდეს და თუ ვინმეს უნდა საქართველოს გადათრევა ბნელ მხარეს – ეს არის სწორედ იმ განცხადებებში, რომელსაც აკეთებს უმრავლესობა“, – განაცხადა ხატია დეკანოიძემ.

ავტორი
ნინი ხიჯაკაძე