ერთ პლატფორმაზე გაერთიანებულმა სამმა ოპოზიციურმა პარტიამ მორიგი შეხვედრა მოსახლეობასთან სამეგრელოში გამართა და ქვეყნისთვის მნიშვნელოვან საკითხებზე იმსჯელეს. ამასთან დაკავშირებით ჟურნალისტებთან კომენტარს აკეთებს ,,სტრატეგია აღმაშენებლის“ თავმჯდომარე გიორგი ვაშაძე:
,,ვაგრძელებთ რეგიონალურ ტურნეს.
საქართველოსთვის მთავარი ამოცანა არის ევროკავშირის კანდიდატის სტატუსის მიღება.
რა თქმა უნდა, ჩვენ გვინდა, რომ ახლო მომავალში საქართველო იყოს ევროკავშირისა და NATO-ს ღირსეული წევრი; ჩვენი ემიგრანტები დაბრუნდნენ; ტერიტორიული მთლიანობა აღვადგინოთ.
ეს ყველაფერი არის ძალიან ახლოს და ამაზე გვექნება დღეს საუბარი. ამისთვის ჩვენ გვჭირდება დიდი ეროვნული ერთიანობა, გვჭირდება პოლიტპატიმრების გათავისუფლება და წინსვლა“, – განაცხადა გიორგი ვაშაძემ.
ინფორმაციისთვის: ერთ პლატფორმაზე გაერთიანებული ოპოზიციური პარტიები – “სტრატეგია აღმაშენებელი”, “გირჩი – მეტი თავისუფლება”, “დროა” შეხვედრებს მართავენ მოსახლეობასთან. შეხვედრები უკვე შედგა თბილისში, ბათუმში, ქუთაისში, დღეს გაიმართა ზუგდიდში.
