პარლამენტის იურიდიულ საკითხთა კომიტეტის თავმჯდომარე ანრი ოხანაშვილი პარლამენტში ახსნა-განმარტებას აკეთებს დეოლიგარქიზაციის კანონპროექტთან დაკავშირებით და საუბრობს იმ მიზეზებზე, თუ რატომ არ მოხდა კანონპროექტის გაგზავნა ვენეციის კომისიაში:
,,კონსულტაციები გვაქვს მეორე მოსმენის ფარგლებში ჩვენს პარტნიორებთან. კომუნიკაცია გვქონდა ვენეციის კომისიასთან. მთელი რიგი ინფორმაციები გვაქვს ამ საკითხებთან დაკავშირებით. მათ შორის, უკრაინასთან მიმართებაში – მათ მიერ გაგზავნილ კანონპროექტზე რა პროცედურები მიმდინარეობს ვენეციის კომისიაში. აქედან გამომდინარე, ჩვენ მივიღებთ გადაწყვეტილებას.
რაიმე კატეგორიული წინააღმდეგობა, ამ პროექტის გაგზავნა/არგაგზავნასთან დაკავშირებით, არ არსებობს. უბრალოდ, ჩვენ გვაინტერესებს ჯერ გავარკვიოთ უკრაინასთან, უკრაინულ მოდელთან, კანონპროექტთან მიმართებაში რა ხდება! ამის მიხედვით გაგიზიარებთ ჩვენს საბოლოო პოზიციას“, – განაცახა ანრი ოხანაშვილმა.
ავტორი
ნინი ხიჯაკაძე
