“სახალხო დამცველი რომ ავარჩიოთ, ამისთვის საჭიროა ან მე დამიჭირონ მხარი, ან ვიღაცა გადახტეს ,,ნაციონალური მოძრაობიდან” ,,ქართული ოცნების” ბანაკში” – იაგო ხვიჩია

სახალხო დამცველის კანდიდატის შერჩევის პროცედურები გრძელდება. აღნიშნულ პროცესში მონაწილეობას იღებს პარტია ,,გირჩის” ლიდერი იაგო ხვიჩია. მისი განმარტებით, თავად ერთადერთი კანდიდატია, რომელსაც შეუძლია როგორც ოპოზიციის, ისე ხელისუფლების ხმების მიღება:

,,ცნობისმოყვარეობით დაველოდებით ამ პროცესს, ზედმეტი მოლოდინების გარეშე. ყველაფერი შეიძლება მოხდეს, მათ შორის ის, რომ კონსესუსის წერტილი შეიძლება იყოს ჩემი კანდიდატურა, ამ თემასთან დაკავშირებით.

დღეს ვხედავთ, რომ სახალხო დამცველის ფრონტზე არაფერი არ იცვლება იმ თვალსაზრისით, რომ ვერცერთი სხვა კანდიდატი, მაგალითად, ოპოზიციის მიერ წარდგენილი – ვერ მოიპოვებს ხელისუფლების მხარდაჭერას და პირიქით.

ამიტომ სახალხო დამცველი რომ ავარჩიოთ, ამისთვის საჭიროა ან მე დამიჭირონ მხარი, ან ვიღაცა გადახტეს ,,ნაციონალური მოძრაობიდან” ,,ქართული ოცნების” ბანაკში. ამას ჯობია, ალბათ, ისევე მე ამირჩიონ”, – განაცხადა იაგო ხვიჩიამ.

ავტორი
ნინი ხიჯაკაძე