პარტია “კანონი და სამართლის” თავმჯდომარე, პარლამენტის დეპუტატი თაკო ჩარკვიანი მიხეილ სააკაშვილის ჯანმრთელობის მძიმე მდგომარეობის შესახებ საუბრობს და მე-3 პრეზიდენტისთვის მხარდაჭერის გამოჩენის მხრივ პასიურობაში ადანაშაულებს “ნაციონალური მოძრაობის” თავმჯდომარეს, ნიკა მელიას:
“სააკაშვილის ორგანიზმში მძიმე მეტალებია აღმოჩენილი, ვერცხლის წყალია აღმოჩენილი.
ახლა ვისაც გახსოვთ ჩემი ბრიფინგი ერთი წლის წინანდელი – გამოვიდა ინფორმაცია მოწავლა და “დემორალიზება” უნდათ თქო (გახსოვთ ალბათ) ჰოდა, ნიკა მელიას ისტერიულმა “უანგარო დამცველებმა” (კიდევ ვინც შემორჩით) გააგრძელეთ კედელ-კედელ ჩემი ლანძღვა, ჩემს მიერ გაკრიტიკებული, არაფრის მაქნისი და მელიას მიერ შექმნილი უმოქმედო პროცესის გამო.
პარტიის დამფუძნებელი (პუტინის პირადი პატიმარი) მოწამლული მესამე პრეზიდენტი კვდება, მისი ხმებით მოსული თავმჯდომარე მელია კი, მისი მისამართით ამომრჩევლის მიერ გამოთქმული კრიტიკით უკმაყოფილოა და “გულდაწყვეტილია” თურმე…😂
გააგრძელეთ “ბატონებო და ქალბატონებო” მელიას “გულმხურვალე გულშემატკივრობა”- სირცხვილია სხვა თუ არაფერი!!! დღეს უმოქმედობა – მკვლელობაში თანამონაწილეობაა!” – წერს ფეისბუქის პირად გვერდზე თაკო ჩარკვიანი.