დღეს ,,მთავარი არხის” გენერალური დირექტორის ნიკა გვარამიას ბოლო პროცესი თბილისის სააპელაციო სასამართლოში მიმდინარეობდა. სხდომის პარალელურად მოლოდინებზე შეფასება გააკეთა ტელეკომპანია “მთავარი არხის” ტელესახე, “ღამის შოუს” წამყვანი ილო ბეროშვილმა:
,,სასამართლო იმისათვის, რომ იყოს სამართლიანი, პირველ რიგში უნდა იყოს დამოუკიდებელი.
სასამართლო კიდევ დამოუკიდებელი არ არის. შესაბამისად, არანაირი პროგნოზის გაკეთება არ შემიძლია.
ერთადერთი სურვილი მაქვს იმის, რომ სამართლიანობა აღდგეს და ის ბრალდებები, რომლებიც ნიკას აქვს წარდგენილი – გაბათილდეს, თუ ეს შესაძლებელია.
რა თქმა უნდა, ისეთ ქვეყანაში, რომელშიც ჩვენ ვცხოვრობთ, დამოუკიდებელ სასამართლოზე რატომღაც უკვე ოცნება გაგვიხდა, მართლა ოცნება რასაც ქვია.
ნიკას საკითხი აქ არ წყდება, ეს წყდება სხვა ადგილებში“, – განაცხადა ილო ბეროშვილმა
ინფორმაციისთვის, ნიკა გვარამიას სასამართლო პროცესი სააპელაციო სასამართლოში დღეს 15:00 საათზე დაიწყო და რამდენიმე საათი მიმდინარეობდა. საბოლოო განაჩენის გამოცხადება მოსამართლეებმა გადადეს.
ავტორი
ნინი ხიჯაკაძე
