“75 წლის წინ, 1947 წელს თაბორის ქედის ძირში საფუძველი ჩაეყარა მხატვრულ-დეკორატიული ნაკვეთის – პარტერის მშენებლობას” –

საქართველოს ეროვნული ბოტანიკური ბაღის ადმინისტრაცია საინტერესო ინფორმაციას ავრცელებს მხატვრულ-დეკორატიული ნაკვეთ – პარტერთან დაკავშირებით:

“75 წლის წინ, 1947 წელს თაბორის ქედის ძირში საფუძველი ჩაეყარა მხატვრულ-დეკორატიული ნაკვეთის – პარტერის მშენებლობას, რომლის ავტორი – ლანდშაფტის ცნობილი არქიტექტორი გიორგი მანაგაძე გახლდათ.

პარტერის მშენებლობა 9 წელი მიმდინარეობდა.

აქ გვხვდება ისეთი მერქნიან მცენარეთა კომპოზიციები, როგორებიცაა კვიპაროსი, უთხოვარი, ღვია, სოფორა, ვერცხლისფერი ნაძვი, მაღალი მთის ფიჭვი, ჰიმალაური კედარი ბზა და სხვა🌲

პარტერის ტერიტორიაზე წლის განმავლობაში რამოდენიმეჯერ იცვლება ერთწლოვანი და მრავალწლოვანი ყვავილოვანი მცენარეები, რათა მუდმივად შენარჩუნებული იყოს მრავალფეროვანი დიზაინი🍃

შთამბეჭდავი ადგილია, დამთვალიერებლებში დიდი პოპულარობით სარგებლობს, თუმცა თუ ჯერ არ ხართ ნამყოფი პარტერზე, აუცილებლად ესტუმრეთ ბოტანიკურ ბაღს, ზაფხულში განსაკუთრებულად ფერადი და ლამაზია“, – აღნიშნულია გავრცელებულ ინფორმაციაში.

საქართველოს ბოტანიკური ბაღის ისტორია